AIFAESA KONTINUA KAPASITA ASISTÉNSIA BA INSPESAUN INTEGRADU LORON DARUAK NIAN

 

Díli, 13/01/ 2026 – AIFAESA kontinua hala'o formasaun iha loron daruak nian ba funsionáriu asistente sira ne'ebé hala’o iha salaun Matadouro.

Objetivu husi formasaun ne’e atu eleva koñesimentu tékniku kona-ba inspesaun iha terenu. Nune’e ekipa integradu ne’e kompostu hosi Departamentu Operasaun (DO), Departamentu Metrolójia no Padronizasaun (DMP), Departamentu Planeamentu Operasionál Risku Ai-han no Laboratóriu (DPORAL), hanesan xave prinsipal iha área inspesaun no fiskalizasaun aprezenta kompeténsia sira kada departamentu nian nomos prosedimentu fiskalizasaun ne'ebé rigorozu hodi asegura kualidade ai-han no la’ós ai-han, nune'e bele garante seguransa ba konsumidór sira.

Kompeténsia hosi Departamentu Operasaun (DO), foka ba mekanizmu no prátika inspesaun direta iha merkadu, enkuantu Departamentu Metrolójia no Padronizasaun (DMP), esplika kona-ba padraun medida no kualidade produtu nian, 

no ikus liu Departamentu Planeamentu Operasionál Risku Ai-han no Laboratóriu (DPORAL), foka ba servisu análiza sientífika no planeamentu estratéjiku ba operasaun sira.

Mídia - Jo & RL

SIP/AIFAESA.