Díli, 15/01/2026 – Hafoin realiza formasaun ba asistente sira AIFAESA hala'o mós formasaun "Refreshing Training" ba inspetór tékniku sira husi ekipa Integradu Operasional AIFAESA, kompostu husi departamentu DO, DMP no DPORAL, iha salaun Matadouru.
Iha biban ne’e, atividade lidera direta hosi Inspetóra Jerál AIFAESA, ne’ebé hetan akompañamentu hosi Assesóra Dra. Josefina Clarinha João, Diretór DPORAL Ângelo Edmundo Belo, no Diretor DMP João Câncio Morato.
Sesaun formasaun aprezenta hosi Advogadu Dr. Marcelo da Rosa, kona-ba Dekretu-Lei n.º 83/2022, 23 Novembru, primeira alterasaun ba Dekretu-Lei n.º 34/2017, 27 Setembru Lisensiamentu Atividade Ekonómika. DL ne'e esplika kle’an kona-ba baze legál no prosedimentu sira ne’ebé presiza atu garante katak atividade komersiál hotu la’o tuir regulamentu ne’ebé vigora iha Timor-Leste.
Enkuantu formasaun ida-ne'e sai hanesan pasu importante ida atu asegura katak funsionáriu AIFAESA sira iha kapasidade ne’ebé adekuada hodi hala’o sira-nia knaar iha terrenu ho profisionalizmu no bazeia ba Lei.
Mídia - Jo & RL
SIP/AIFAESA.
.png){kind=spacer}
No comments:
Post a Comment