Díli, 09/01/2026 – AIFAESA, liuhosi Ekipa B, hala’o inspesaun no fiskalizasaun ba kualidade ai-han iha Supermerkadu sira ne’ebé lokaliza iha Postu Administrativu Nain Feto.
Iha inspesaun ne'ebé lidera hosi Inspetór tékniku Carlos Mateus Ximenes no Célio Smith Lay Cheng (kompostu hosi DO, DMP, no DPORAL), ekipa konsege kontrola totál estabelesimentu 13, ne’ebé kobre iha área Bidau Lecidere, Audian, no Akadiruhun.
Hosi totál estabelesimentu 13 ne’ebé fiskaliza, AIFAESA deteta estabelesimentu tolu (3) mak komete infrasaun tanba la kumpri kriteria kualidade nian, hanesan falta rekizitus, produtu danifikadu, produtu Liu Prazu (Expired).
Ekipa inspesaun fó kedas notifikasaun no konvoka na’in ba estabelesimentu sira ne’e hodi marka prezensa iha eskritóriu AIFAESA hodi tuir prosesu tuir mai.
Alende ne’e, ekipa mós fó atensaun maka’as ba Supermerkadu sira atu kontinua kontrola kualidade produtu sira ho rigorozu antes fa’an ba konsumidór sira, hodi garante saúde públika.
Mídia - Jo
SIP/AIFAESA.
.png){kind=spacer}
No comments:
Post a Comment