RAEOA, 27/04 2026 - Autoridade ba Inspesaun no Fiskalizasaun Atividade Ekonómika, Sanitária no Alimentár (AIFAESA) organiza no realiza atividade Semináriu Sientífiku ba operadór ekonómiku sira iha RAEOA.
Atividade ne'e ofisiálmente loke husi Prezidente Autoridade RAOEA, Sr. Regio Servantes Romeia da Cruz Salu. Iha okaziaun ida ne’e mós entrega ekipa destakadu AIFAESA, ba Autoridade. Prezidente Autoridade RAEOA, hateten katak Autoridade kontenti tebes ho prezensa AIFAESA nian iha RAEOA hodi garante protesaun konsumidorés no sei kontinua atu suporta servisu tomak.
Semináriu ne'e sai hanesan fatin importante atu fahe informasaun esensiál husi liña setórial sira. Tópiku importante ne'ebé aprezenta iha sesaun ne'e mak aprezentasaun jerál kona-ba knaar no servisu AIFAESA nian, Informasaun importante kona-ba prosesu lisensamentu ba Operadór Ekonómiku sira husi SERVE. Aprezentasaun kona-ba mekanizmu protesaun ba traballadór sira husi Inspetor-Jerál ba Inspeção Geral do Trabalho.
Aleinde ida ne’e mós iha esplikasaun kona-ba polítika no asaun atu kontrola presu merkadória iha merkadu husi Diretóra Nasionál Komersiu Rejional no Protesaun Konsumidóres. Instituto Qualidade Timor-Leste fahe mós Informasaun kona-ba prontidaun ba padraun kualidade iha setór komérsiu. Kontinua iha sesaun lokraik aprezentasaun Estudu Kazu (*Study Case*) nomós rezultadu (*Finding*) husi DJAK.
Eventu ne’e hetan partisipasaun masímu husi partisipante sira, iha mós sesaun diskusaun ne'ebé nakloke iha parte dadeer no lokraik. Atividade refere la'o ho di'ak no taka ofisiálmente husi Inspetóra Jerál, Dra. Odete da Silva Viegas, dermatologista.
Média - Arc.
SIP/AIFAESA.
.png){kind=spacer}
No comments:
Post a Comment