Díli, 20/01/2026– AIFAESA, I.P. liuhosi Sub Inspetóra Jerál, DR. Quitéria da Costa, SIP, MPA, akompaña hosi Fiskal Úniku, Sr. Salvador da Cruz, no Kordenador MCAE, Sr. Abilio Oliveira Sereno, hamutuk ho ekipa AIFAESA tomak hala’o inspesaun rigorozu iha Postu Administrativu Dom Aleixo.
Enkuantu total ekipa hamutuk 21 ne’ebé kompostu hosi ekipa Komérsiu 7, ekipa Indústria hamutuk 7 no ekipa Turístika 7.
Iha asaun ne’ebé hala’o iha terrenu, ekipa AIFAESA konsege inspesiona totál estabelesimentu 129. Hosi fiskalizasaun ne’e, ekipa deteta infrasaun hamutuk 28 ne’ebé komete hosi operadór ekonómiku sira. Dadus infrasaun sira ne’ebé rejista mak hanesan produtu liu prazu 13, estragadu 3, falta rekezitu 3, lisensa mate 5, laiha lisensa 1, tabaku ilísitu 1 nomós la kumpri regra ijiene 1.
Enkuantu AIFAESA entrega ona konvokatóriu 21 ba operadór ekonómiku sira hodi tuir prosesu tuirmai iha sede AIFAESA. Aleinde ne’e, ekipa mós hala’o sensibilizasaun direta iha terrenu, hodi fó hanoin ba negosiante sira kona-ba importánsia kumpri regra sanitária no legalidade negósiu nian.
Mídia - Ekipa SIP
SIP/ AIFAESA.
.png){kind=spacer}
No comments:
Post a Comment