Díli, 20/01/2026 - Ekipa Operasional AIFAESA lideradu hosi Inspetora Pascoela Franco, no akompaña husi Assesóra Dra.Josefinha Clarinha João, ho ekipa halo Inspesaun fatin produsaun Bebidas alkolikas, Chocolate no Nan Sosis, ne'ebé lokaliza iha area Manleuana, Suku, Bairo-Pite.
Vizita ne'e ekipa operasional AIFAESA inspesiona estabelesimentu produsaun refere, hodi observa kondisaun jeral, matéria prima, no marka kada produtu ne'ebe iha, inklui pursentu alkolikas husi bebidas.
Enkuantu, iha oportunidade ne'e, ekipa verifika mós dokumentus importante balun hanesan lisensamentu, teste laboratorial ne'ebe iha ona.
Rohan hosi atividade ne'e ekipa bolu atensaun ba Jerenti empreza Espirits Of Timor (SOT), atu garante kualidade produtu no konfiansa husi konsumidores, presija kontinua ba halo analize laboratorial, iha laboratório ne'ebe AIFAESA indentifikadu ona iha Indonézia, mak Laboratório, PT Saraswanti Indo Genetech, Bogor.
Mídia - JcGon
SIP/AIFAESA.
.png){kind=spacer}
No comments:
Post a Comment